Ամերիկացի հոգեբանները պարզել են ամուրի կյանքի հիմնական առավելությունները: Նրանց կարծիքով՝ միայնակ մարդիկ վարում են ավելի հագեցած սոցիալական կյանք, ինչպես նաև նրանց մոտ ավելի նկատելի է հոգեբանական աճը, քան ամուսնացած նրանց տարեկիցների մոտ: Այս մասին տեղեկացնում է EurekAlert-ը:
Կալիֆոռնիայի համալսարանի գիտնական Բելա դե Պաուլոն ուսումնասիրությունների արդյունքում պարզել է, որ միայնակները ինքնաճանաչման սուր զգացողություն ունեն և հակված են «անընդհատյա աճի և զարգացման՝ որպես մարդ»: Բացի այդ՝ նրանք ավելի են գնահատում իրենց աշխատանքը:
Մեկ այլ ուսումնասիրության համաձայն՝ չամուսնացած մարդիկ ավելի են կապված ծնողների, քույրերի, եղբայրների, գործընկերների և բարեկամների հետ: Նշվում է նաև, որ բացասական ապրումներից միայնակներին փրկում է ինքնաբավությունը. որքան ինքնուրույն է մարդը, այնքան հակված չէ իրեն միայնակ զգալու: Ուսումնասիրությունները ցույց են տվել, որ ընտանեկան զույգերի մոտ նկատվում է հակառակ միտումը:
