Չնայած օգոստոսի 15-ին նախատեսվում էր Կոմիտասի պանթեոնից մի փոքր ներքև Հայաստանի ամենամեծ առևտրի կենտրոնի՝ շուրջ 4,5 հեկտար տարածքի վրա կառուցված «Երևան մոլ»-ի բացումը, սակայն շինարարական աշխատանքները դեռ չեն ավարտվել: Պատրաստ է կենտրոնի միայն 90 տոկոսը: «Երևան մոլ»-ի շինարարությունը սկսվել էր անցյալ տարվա մարտից: Թեև բացումը դեռ չի եղել, սակայն վարձակալությամբ տրվող տարածքներն արդեն վերջացել են:
Հայաստանի ամենամեծ առևտի կենտրոնը քառահարկ է, որտեղ ընդգրկված են լինելու համաշխարհային տարբեր բրենդների ներկայացուցիչներ:
Ի դեպ, շուրջ մեկ հեկտար տարածք տրամադրվել է ֆրանսիական «Կարֆուր» հիպերմարկետների ցանցին, և սեպտեմբերից, փաստորեն, կսկսի գործել Հայաստանում առաջին «Կարֆուրը», մյուսը կլինի Ավանում:
Հայաստանի ամենամեծ առևտրի կենտրոնն ունենալու է ավտոմեքենաների համար շուրջ 1000 կայանատեղի:
Ի դեպ, շենքը նախագծել է երիտասարդ ճարտարապետների խումբը:
Ըստ շրջանառվող լուրերի՝«Երևան մոլի» սեփականատերը Նորայր Խաչատրյանն է, որին պատկանում է նաև «Կերամիկա» ընկերությունը։
