Չինաստանի Սիչուան մարզի Ցզյանյու քաղաքում հորդառատ անձրևների հետևանքով կամուրջ է փլուզվել:
Ինչպես հաղորդում է ITAR-TASS-ը, ջուրն են ընկել մեքենաներ և անցորդներ, որոնք այդ պահին եղել են կամրջի վրա: Զոհերի և տուժածների մասին հաղորդագրություններ չկան, սակայն դեպքի վայր ժամանած թղթակիցները հաղորդում են, որ կամրջի վրա եղել են շատ մեքենաներ: Կատարվում է փրկարարական աշխատանք:
Անցած շաբաթ Չինաստանի հյուսիս-արևելքում կամրջի փլուզման հետևանքով զոհվել էր երկու մարդ:









































