Արքայազն Էնդրյուն դարձել է Մեծ Բրիտանիայի արքայական ընտանիքի առաջին անդամը, ով ունեցավ իր պաշտոնական էջը Twitter-ում: Այս մասին հաղորդում է The Daily Mirror-ը: «Բարի գալուստ իմ էջ՝ AY». սա արքայազնի առաջին թվիթն է: Թերթը հաղորդում է նաև, որ նրա գրած բոլոր հաղորդագրությունները նույնպիսի մակագրություն կունենան (AY` Էնդրյու Յորքցի):
Twitter-ում հայտնվելուց անմիջապես հետո էջը հավաքել է ոչ միայն ողջույններ, այլև վիրավորական մեկնաբանություններ: Այսպես, օգտատերերից մեկը հետաքրքրվել է՝ «Ինչպե՞ս են Ջեֆրի Էփշթեյնի գործերը» (արքայազնին ծանոթ, բանտարկված ամերիկացի միլիարդատեր):
Արքայազնի մամլո քարտուղարը հայտարարել է, որ դուքսը վաղուց է հետաքրքրվում նոր տեխնոլոգիաներով, և հենց նա է սկսել առաջինը թվիթներ թողնել British Monarchy էջում: «Տրամաբանական է, որ հաջորդ քայլը պետք է լիներ անհատական թվիթները»,- ասել է արքայազնի ներկայացուցիչը:
Մեկնաբանելով որոշ օգտատերերի հարձակումները՝ մամլո քարտուղարը նշել է, որ դուքսը կողմ է խոսքի ազատությանը:
