Ամերիկյան հատուկ ծառայությունների նախկին աշխատակից Էդվարդ Սնոուդենին ապաստան տրամադրելու առաջարկը միանգամից երեք լատինաամերիկյան պետությունների կողմից կոլեկտիվ քաղաքական ապաստանի եզակի դեպք է՝ կարծում է Վենեսուելայի նախագահ Նիկոլաս Մադուրոն: Այս մասին հայտնում է ITAR-TASS-ը՝ հղում անելով Telesur հեռուստաալիքին:
Մադուրոյի խոսքով՝ Լատինական Ամերիկան մարդասիրական տարածք է, որն ամեն անգամ ընդլայնվում է:
«Սա հավանաբար պատմության մեջ միակ մարդասիրական կամ քաղաքական ապաստանն է, որը տրամադրվում է կոլեկտիվ»,- ասել է նա:
Երկուշաբթի Մադուրոն հայտարարել է, որ իր երկիրը Սնոուդենից ստացել է ապաստանի տրամադրման վերաբերյալ խնդրագիր:
Սնոուդենին քաղաքական ապաստան են առաջարկել նաև Նիկարագուան և Բոլիվիան:
