Գեզի այգին բաց է և բաց կլինի ժողովրդի համար: Anadolu գործակալության փոխանցմամբ՝ լրագրողների հետ զրույցում այս մասին հայտարարել է Ստամբուլի նահանգապետ Հուսեյն Ավնի Մութլուն:
Նրա խոսքով՝ այգու տարածքում հավաքների ու բողոքի ակցիաների անցկացումը հակասում է օրենքին: «Մենք թույլ չենք տա այգին վերածել ցույցերի կենտրոնի»,- ասել է Մութլուն:
Ստամբուլում ցույցերը սկսվեցին այգու փոխարեն առևտրա-ժամանցային կենտրոն կառուցելու իշխանությունների մտադրությունների պատճառով: Աստիճանաբար բողոքի ցույցերը ստացան քաղաքական բնույթ և վերածվեցին վարչապետի հրաժարականով զանգվածային ցույցերի:
ՆԳՆ-ի տվյալներով՝ Թուրքիայի 79 մարզերում 3 շաբաթվա ընթացքում բողոքի ակցիաներին մասնակցել է 2.5 մլն մարդ:
