Կանադայի Տորոնտո քաղաքում երկուշաբթի օրը սկսված հորդառատ անձրևների հետևանքով փողոցները հեղեղվել են, տեղ-տեղ ջուրը հասել է մինչև 2 մետրի: Մայրուղիներին և որոշ հատվածներում ավտոմեքենաները բառացիորեն ջրասույզ են եղել, գործնականում չի աշխատում քաղաքային մետրոն: Իշխանությունները բնակչությանը կոչ են անում չլքել տները: Այս մասին հաղորդում է կանադական C-TV-News հեռուստաալիքը:
Տարերքի պատճառով հազարավոր մարդիկ մնացել են միջքաղաքային գնացքներում: Ներկայում հրշեջները և փրկարարները տարհանում են ուղևորներին: Բացի այդ, անդադար թեժ գիծ են զանգահարում և օգնություն խնդրում այն մարդիկ, ովքեր փակված են մնացել իրենց ավտոմեքենաներում: «Փիրսոն» միջազգային օդանավակայանում հետաձգվել են թռիչքները:
Հորդառատ անձրևների պատճառով հազարավոր ուղևորներ արգելափակվել են միջքաղաքային գնացքներում: Արդեն 5 ժամ է՝ այնտեղ շարունակվում են փրկարարական աշխատանքները: Փրկարարները ռետինե նավակներով հասնում են վագոններին և պատուհաններից դուրս բերում ուղևորներին: Հայտնի է նաև, որ որոշ ժամանակ առաջ այնտեղ անջատվել է էլեկտրականությունը, զուգարանները չեն աշխատում:
Բացի այդ, Տորոնտոյի ավելի քան 300 հազար քաղաքացիներ զրկվել են էլեկտրականությունից:
