Գերմանիայի Տրիր քաղաքում գեղեցկության մրցույթի հաղթողը դարձել է Սիրիացի փախստականը, հայտնում է BBC News-ը:
«Գինու թագուհի» տիտղոսը ստացել է 26-ամյա Նինորտա Բանոն, որը 3 տարի առաջ փախել է Սիրիայից: Նա դարձել է այդ տիտղոսակիր առաջին ներգաղթյալը:
Ինչպես ասել է աղջիկը՝ իր հաղթանակը մյուս փախստականներին ցույց կտա Գերմանիայի հասարակությունում ինտեգրման կարևորությունը, եթե նրանք կցանկանան ապաստան գտնել Գերմանիայում:
«Ես ցանկանում եմ ցույց տալ, որ Գերմանիան հյուրընկալ երկիր է, և գերմանացիներն ակտիվորեն աշխատում են այն բանի համար, որ փախստականների ինտեգրումն ընթանա արագ և հաջող»,- ասել է նա:
«Գինու թագուհի» տիտղոսը սկսած 1930 թվականից, ամեն տարի տրվում է Գերմանիայի 13 շրջաններում, որտեղ զբաղվում են գինեգործությամբ: Հաղթողներն այնուհետև պետք է ներկայացնեն գինեգործների շահերը և նպաստեն շուկայում նրանց արտադրանքի վաճառքին:
