Իրանի նորընտիր նախագահ Հասան Ռուհանիի երդմնակալության արարողությունը տեղի կունենա օգոստոսի 4-ին՝ Իրանի խորհրդարանում: Այս մասին հաղորդել է Իրանի հեռուստաընկերության տեղեկատվական կայքը՝ Iribnews-ը՝ վկայակոչելով երկրի խորհրդարանի երկրորդ փոխխոսնակ Մոհամադրզա Բահունարին:
Նա նշել է, որ երդմնակալության արարողությանը ելույթ կունենան նախագահը, գերագույն դատարանի նախագահը և խորհրդարանի ղեկավարը:
Բահունարն ասել է, որ հանուն երկրի զարգացման՝ խորհրդարանի ներկայացուցիչները պատրաստ են համագործակցել նոր նախագահի հետ: Նա նախագահին խորհուրդ է տվել նախարարների կաբինետից «օգտագործել» նրանց, ով լավ գիտի իր աշխատանքը և ջանասեր է:
Բահունարը նշել է նաև, որ օգոստոսի 4-ից հետո 2 շաբաթվա ընթացքում նախագահ Ռուհանին պետք է խորհրդարանին ներկայացնի նախարարների նոր կաբինետի կազմը՝ նրանց լիազորությունների հաստատման համար:
