Dior նորաձևության տան հիմնադիր Քրիստիան Դիորը ծնվել է 1905 թ.՝ ֆրանսիական Գրանվիլ փոքրիկ քաղաքում: Նա մանկուց տարվել է նկարչությամբ և հագուստներով: Ծնողները երազել են, որ որդին դիվանագետ դառնա, բայց նա թողել է ուսումը և սկսել արվեստով զբաղվել:
Դիորը հագուստի իր առաջին բուտիկը բացել է 1946-ին՝ 41 տարեկան հասակում: Մեկ տարի անց դիզայները ցուցադրել է իր առաջին հավաքածուն, որը մեծ իրարանցում է առաջացրել Փարիզի նորաձևության սիրահարների շրջանում:
Դիորի ստեղծած կերպարը՝ նեղ կոնքեր, ընդգծված ուսեր և փարթամ կիսաշրջազգեստ, ստացել է New Look անվանումը: Նրա հայացքներն այն ժամանակ նոր խոսք էին նորաձևության ասպարեզում։
