Բրիտանական բարեգործական Charities Aid Foundation հիմնադրամը հրապարակել է ողջ աշխարհում բարեգործական կազմակերպությունների ու կամավորական շարժումների նվիրատվությունների վիճակագրությունը, որը վկայում է այն մասին, որ վերջին 5 տարիներին բարեգործական գործունեության մեջ միջազգային հանրության ներգրավվածությունը նվազել է: Այս մասին հայտնում է Newsru.com-ը:
Գլոբալ ցուցանիշն ամենացածր կետում է եղել հետճգնաժամային 2009 թվականին: Հաջորդ տարիներին գլոբալ ցուցանիշների տատանումն արտացոլել է համաշխարհային ՀՆԱ աճը և արձագանքն աշխարհում տեղի ունեցող աղետներին ու արտակարգ իրավիճակներին:
Բարեգործության ամենատարածված տեսակն է դարձել կարիքավորներին օգնելը:
Պարզվել է նաև, որ կանայք ավելի հաճախ են մասնակցում բարեգործությանը և նվիրաբերում ավելին, քան տղամարդիկ:
Բրիտանական կազմակերպության կողմից ամեն տարի հրապարակվող «Շռայլության վարկանիշում» ներկայացված են 146 երկրների տվյալներ:
Վարկանիշի առաջին տեղում 2012-ի արդյունքներով Ավստրալիան է՝ շռայլության 61 տոկոս ցուցանիշով: Դա նշանակում է, որ բնակչության 61 տոկոսը նվիրատվություններ է անում, զբաղվում կամավորական գործունեությամբ կամ օգնում անծանոթին ամսական գոնե մեկ անգամ:
