«Այս օրերին ոչ մեկը չանդրադարձավ այս խնդրի պատճառներին, Սերժ Սարգսյանի ելույթն առավել ևս չանդրադարձավ: Շատ կուզենայի հուսալ, որ սա արագ արձագանքում էր, ոչ թե երևույթի խորքային ամփոփում»,- այս մասին լրագրողների հետ հանդիպմանն ասաց ազգագրագետ Հրանուշ Խառատյանը՝ անդրադառնալով ՊՊԾ գնդի շուրջ ստեղծված իրավիճակի վերաբերյալ Սերժ Սարգսյանի ելույթին:
«Մեր նախագահից շատ ենք լսել, որ ժամն է եկել դասեր առնելու, ժամն է եկել հասկանալու, և այդ ժամն այդպես էլ չի գալիս: Սա լսել ենք 2008 թվականին, 2013-ին և շարունակում էնք լսել, դա բացառիկ բան չէր: Ոչ մի ակնարկ չեղավ, թե ինչ դասեր պետք է առնենք: Նա ասաց, որ մենք շուտով պետք է ունենանք համաձայնության կառավարություն ձևավորենք: Նույնիսկ այդ բառն է ինձ վախեցնում, որովհետեւ դատելով իշխանության վերադասավորվածություններից, վստահության կառավարությունը վտանգավոր կլինի: Դա անձնական կամ կուսակցական խմբերի փոփոխությո՞ւն է, թե՞կառավարության ողջ համակարգի փիլիսոփայության վերաիմաստավորում է»,- նշեց Հրանուշ Խառատյանը:
«Եկան, լսեցին, ծափահարեցին, ցրվեցին: Հարցի ներկայացում, որեւէ քննարկման փորձ, խնդրի վերաբերյալ մոտեցման փորձ չկար: Մեր երկրի կառավարիչներն ու նախագահը փորձ, ցանկություն, կամք չունեն իրենց կողմից ընտրված ներկայացուցիչների հետ որեւէ հարց քննարկելու: Մեր երկրում իսպառ վերջակետ է դրվում քննարկումներին: Սրանք շատ վատ դասեր են»,- եզրափակեց ազգագրագետը:
Մանրամասաները՝ տեսանյութում:
