Երկու աղջիկները, որոնք զոհվել էին Սան Ֆրանցիսկոյում կորեական ինքնաթիռի վթարի հետևանքով, Չինաստանից 16-ամյա դպրոցականներ էին: Այս մասին հայտարարել է չինական հեռուստատեսությունը՝ հղում կատարելով Asiana Airlines ընկերությանը:
Ինչպես հաղորդում է Associated Press գործակալությունը՝ հղում կատարելով Չինաստանի Կենտրոնական հեռուստատեսությանը, աղջիկները սովորել են Ցզյանշան քաղաքի միջնակարգ դպրոցում:
Նրանք նստած են եղել կորեական Boeing 7770 ինքնաթիռի պոկված պոչի հատվածում, որը վնասվել էր օդանավակայանում վայրէջքի ժամանակ:
Ինքնաթիռի մոտ 300 ուղևորների կեսը չինացիներ էին, որոնց մոտ 70-ը եղել են ուսանողներ, աշակերտներ ու ուսուցիչներ: Նրանք մեկնում էին ԱՄՆ-ի ամառային ճամբարներ:
