Google ընկերությունը հայտնի է ոչ միայն իր որոնողական համակարգով, այլ նաև օգտակար այլ ծառայություններով :
Google Earth-ը, Google Maps-ը և Google Street-ը օգտագործվում են ամբողջ աշխարհի միլիոնավոր մարդկանց կողմից: Ձեզ ենք ներկայացնում դրանցից ավելի քիչ հայտնի, սակայն ոչ պակաս օգտակար ծառայությունների տասնյակը:
1. Google Mars
Մարսում կյանքի առկայությունը հնարավոր է ստուգել Google Mars հավելվածի օգնությամբ, որը թույլ է տալիս դիտել արբանյակների իրականացրած բոլոր նոր լուսանկարները:
2. Google Art Project
Առանց տանից դուրս գալու Google-ի այս ծառայության օգնությամբ հնարավոր է տեսնել Միքելանջելոյի աշխատանքը Սիքստինյան տաճարում, «Վեներայի ծնունդը»՝ Ուֆֆիցի թանգարանում, չմոռանալով այդ ընթացքում մտնել Էրմիտաժ:
3. Google Scholar
Scholar-ը բավականին մեծ համակարգ է, որը թույլ է տալիս հասանելիություն ստանալ հոդվածներին, դիսերտացիաներին, գրքերին, ռեֆերատներին և դատավճիռներին:
4. Google Transliterate
Այս ծառայությունը թույլ է տալիս Ձեզ գրել անհրաժեշտ լեզվով՝ անկախ գտնվելու վայրից:
5. Build
Google-ի ավստրալական բաժնի և Lego ընկերության համատեղ մշակումն է: Այն իրենից ներկայացնում է Chrome բրաուզերի վրա հիմնված ինտերակտիվ կոնստրուկտոր:
6. Google Think
Կայք է, որտեղ գովազդատուները և տարբեր մասնագիտության մարդիկ ոգեշնչվում են և մարքեթինգային գաղափարներ գտնում:
7. Google-ի որոնման բանաձև
Այն խորացնում է օգտատիրոջ որոնողական ընդունակությունները: Google-ի մասնագետները մի քանի հնարքներ ու մեթոդներ են առաջարկում, որոնք կօգնեն գտնել հենց այն, ինչ դուք փնտրում էիք:
8. Schemer
Ծառայությունը օգնում է պլանավորել ընկերների հետ ժամանցը: Այն հատկապես լավ է գործում խիտ բնակեցված շրջաններում:
9. Google Sound Search
Shazam-ին նման ծառայություն է, որը օգնում է ճանաչել հնչող երաժշտությունը:
10. Google Moderator
Մտահղացումների ու հարցերի բաց ֆորում:
