Հուլիսի 31-ին այցով Թուրքիա է ժամանել ԱՄՆ Շտաբների ղեկավարների միավորված կոմիտեի ղեկավար գեներալ Ջոզեֆ Դանֆորդը: Գեներալի այցի օրակարգում հավանաբար եղել է ԱՄՆ զինված ուժերի Կենտրոնական հրամանատարության ղեկավար, գեներալ Ջոզեֆ Վոտելի արտահայտությունների հարցը: Այս մասին հայտնում է TRT Haber-ը:
Անկարայում բանակցություններից հետո գեներալ Դանֆորդն ուղևորվել է Ադանա քաղաքում գտնվող «Ինջիրլիք» ավիաբազա և կհանդիպի ամերիկացի զինվորականների հետ:
Բացի դրանից՝ այսօր տեղի կունենա գեներալի հանդիումը Թուրքիայի վարչապետ Բինալի Յըլդըրըմի հետ:
Ավելի վաղ Վոտելը հայտարարել է, որ Թուրքիայում հեղաշրջման փորձին իր մասնակցության մասին ցանկացած տեղեկություն «տհաճ և սխալ է», հայտնում է Reuters-ը:
Վոտելը նաև ասել է, որ Թուրքիան արդեն երկար տարիներ Ամերիկայի համար «նշանավոր և անհրաժեշտ գործընկեր է տարածաշրջանում», և նշել է, որ ԴԱԻՇ-ի դեմ պայքարում համագործակցության շարունակվելու հույս ունի:
