Լատինաամերիկյան և կարիբյան պետությունների միությունը (CELAC) «լուրջ մտահոգություն» է հայտնել հուլիսի 2-ի միջադեպի հետ կապված, երբ մի շարք եվրոպական երկրներ Բոլիվիայի նախագահ Էվո Մորալեսի ինքնաթիռին թույլ չտվեցին անցնել իրենց օդային տարածքով: Այս մասին հաղորդում է ITAR-TASS-ը:
Ինչպես նշվել է ուրբաթ օրը տարածված հաղորդագրության մեջ, տարածաշրջանային բլոկի անդամները չեն ընդունում «արդարացում չունեցող գործողությունները, որոնք վտանգի տակ են դրել Բոլիվիայի նախագահի անվտանգությունը»:
«Միությունն իր համերաշխությունն է հայտնում նախագահ Էվո Մորալեսին և եղբայր բոլիվիացի ժողովրդին: Նա պահանջում է այն գործողությունների պարզաբանումը, որոնք խախտում են միջազգային իրավունքը»,- նշվել է փաստաթղթում:
