«Միսս Հայաստան» ազգային գործակալության փոխանցմամբ՝ մի քանի օրից պարզ կլինի, թե երբ կանցկացվի «Միսս Հայաստան 2013» գեղեցկության մրցույթը: Գործակալությունից «Առաջին լրատվական»-ին տեղեկացրին, որ այժմ աշխատանքները քննարկման փուլում են, կան մարդիկ, ովքեր բանավոր խոստացել են հովանավորել մրցույթը. «Ֆինանսական խնդիրը լուրջ ազդեցություն է ունենում մրցույթի վրա: Մեկ կամ երկու հովանավորով հնարավոր չէ մրցույթ անցկացել: Մոտակա օրերին պարզ կլինի, թե ովքեր կլինեն հովանավորները և ինչ չափով կօգնեն»:
Մեր այն հարցին, թե գուցե մրցույթը չի անցկացվում, որովհետև բավարար թվով գեղեցկուհիներ չունենք, գործակալությունից պատասխանեցին, որ մենք ունենք միջազգային չափանիշներին համապատասխանող գեղեցկուհիներ, օրինակ՝ «Միսս Հայաստան 2012»-ին հայտագրվել էին 500-ից ավելի աղջիկներ:
2012-ին մրցույթի հաղթող ճանաչվեց 20-ամյա Աննա Առաքելյանը, սակայն նա հետո չմասնակցեց «Միսս աշխարհ»-ին:
Ֆինանսական ճգնաժամի պատճառով վերջին մի քանի տարիներին շատ երկրներ չեն անցկացրել այս մրցույթը:
«Միսս Հայաստան»-ը սկսել է անցկացվել 1996 թվականից: Մրցույթն անցկացվել է ընդմիջումներով, մինչ այժմ եղել է 9 մրցույթ: Հիշեցնենք, որ Հայաստանը երբևէ չի մասնակցել «Միսս աշխարհին» մրցույթին: