Եգիպտոսի Զինված ուժերի հրամանատարությունը խոստանում է ուժ չկիրառել ցուցարարների դեմ: Երկրում սպասվում է իսլամիստների զանգվածային բողոքի ակցիա: Ուրբաթօրյա աղոթքից հետո հարյուր հազարավոր եգիպտացիներ նախատեսում են դուրս գալ փողոցներ՝ բանակի կողմից նախագահի պաշտոնից հեռացված Մուհամմադ Մուրսիին աջակցելու համար:
Ինչպես հաղորդում է ITAR-TASS-ը, Գիզայից արդեն հաղորդագրություններ են գալիս բախումների մասին: Զաքազիք քաղաք է ուղարկվել 25 զրահամեքենա:
Տեղեկատվություն կա նաև Սինայի թերակղզում զինվորական հսկիչ անցակետի վրա երեք զինված հարձակումների մասին, ինչի հետևանքով սպանվել է 1, վիրավորվել՝ 3 զինծառայող:
