Galaxy սմարթֆոնները, որոնք թողարկում է Samsung ընկերությունը, որակի առումով ավելի վատն են, քան iPhone-ը: Ինչպես հաղորդում է The Telegraph-ը, այս մասին են վկայում Հարավային Կորեայի շուրջ 44 հազար բնակիչների շրջանում անցկացված հարցման արդյունքները:
Հարցման մասնակիցների միայն 17 % է հայտարարել, որ iPhone-ի հետ կապված խնդիրներ է ունեցել: Կորեական ընկերության արտադրանքի դեպքում այս ցուցանիշը կազմել է 31 %:
Apple ամերիկյան ընկերության տեխնիկա օգտագործող մարդիկ հիմնականում բողոքել են կոճակների, թաչսքրինի հետ կապված անսարքություններից, իսկ Samsung-ի սարքերի օգտատերերը դժգոհ են եղել մարտկոցի շուտ լիքաթափումից, լուսանկարի որակից:
Apple-ն ամենահաջողակ արտասահմանյան արտադրողն է Հարավային Կորեայում: Չնայած հայտնիությանը դրա չափաբաժինը շարունակում է նվազել. 2010 թ. ի վեր այն 23.2 %-ից դարձել է 3.2 %: Այլ արտասահմանյան ընկերությունների չափաբաժինը (BlackBerry, Nokia, Motorola և HTC) չի գերազանցում 1 %-ը:
Հարավային Կորեայում Samsung-ին բաժին է ընկնում շուկայի 65 %-ը: Pantech և LG հարավկորեական ընկերություններից ամեն մեկն ունի շուրջ 15 % չափաբաժին:
