Հավայիի գազալցակայաններից կրեդիտ և դեբիտային քարտերի տվյալներ գողանալու համար Հակոբ Չանգարյանին նույնպես դատապարտել են 20 տարվա ազատազրկման: Այս մասին հայտնում է aravot.am-ը՝ հղում անելով «Ասոշիեյթիդ պրես» լրատվական գործակալությանը:
Չանգարյանին առաջին կարգի գողության համար դատավճիռը կարդացել են երկուշաբթի օրը: Նրա հանցակցի՝ Վարդան Կագրամանիին 20 տարվա ազատազրկման էին դատապարտել հունիսի 17-ին: Նրանք նաև պետք է 157 հազար դոլար տուգանք վճարեն Հավայիում վնաս հասցրած բանկերին: Նրանց արտահանձնել են Կալիֆորնիա:
Դատախազի տեղեկալ Քրիս Վան Մարթերը հայտնել է, որ Չանգարյանը տվյալները քաշող սարքեր է տեղադրել, իսկ Կագրամանին հետևել է, որ ոչ ոք չտեսնի: Մարթերն ասել է, որ նրանք հայկական հանցավոր խմբավորման անդամներ են: Հոնոլուլուի «Սթար-ադվերթայզեր» լրատվականը հաղորդում է, որ 29-ամյա Չանգարյանը մտադիր է բողոքարկել իր վճիռը:
