Համակարգչային խաղերը բարձրացնում են ինտելեկտը: Դրանց սիրահարներն ունեն լավ ռեակցիա ու արագ լուծում են բարդ խնդիրներ: Նման եզրակացության են եկել Հյուսիսային Կառոլինայի Դարեմ քաղաքի Դյուկի համալսարանի հետազոտողները, հայտնում է «Թայմ» ամսագիրը:
Գիտնականները փորձ են անցկացրել մի խումբ ուսանողների հետ, որոնց թվում եղել են համակարգչային խաղերի սիրահարներ ու խաղերի նկատմամբ անտարբեր մարդիկ:
«Խաղերի սիրահարների մոտ գլխուղեղի վիզուալ կենտրոնը տեղեկատվությունը մշակում է զգալի արագ: Խաղերը խթանում են օրգանիզմի ռեֆլեքսային գործառույթն ու շարժիչային կոորդինացիան«,- նշել է ամսագիրը:
Ըստ նրանց՝ խորապես սխալ է այն կարծիքը, որին հակված են ավագ սերնդի ներկայացուցիչները, թե համակարգչի առաջ անցկացված ժամանակը խաղացողներին ոչինչ չի տալիս, քացի դոֆամինի արտազատումից:
Արդյունքները, որ ցուցաբերել են համակարգչային խաղերի սիրահարները, եղել են անհամեմատ ավելի լավ: Նրանք հիշել են տեղեկատվության մեծ ծավալներ:
