Sputnik լրատվական գործակալության փոխանցմամբ՝ Դարյալի կիրճով տրանսպորտի շարժի համար անհրաժեշտ է կառուցել թունել, որը կշրջանցի սելավային հոսքերի ու սողանքների գոտին։ Այդ մասին հայտարարել է Վրաստանի ավտոճանապարհների դեպարտամենտի նախագահ Գեորգի Սետուրիձեն:
«Ներկայումս Դարյալի կիրճով շարժը վերականգնված է սելավից հետո։ Եթե նորից չգրանցվեն սելավային երևույթներ կամ փլուզում, ինչպես որ 2014 թվականին էր, ապա ճանապարհը կգործի։
Սակայն դա այդպես կլինի այնքան, քանի դեռ չի գրանցվել բնական աղետ։ Ամեն դեպքում անհրաժեշտ է ապահովագրվել և ընդունել ավելի արմատական որոշում։
Ես կարծում եմ, որ անհրաժեշտ է կառուցել թունել, որը կշրջանցի բնական երևույթների էպիկենտրոնը և հնարավորություն կտա տրանսպորտին անվտանգ շարժվել այդ գոտով։
Դարյալի կիրճին հարակից տարածքը, որը հարում է Դևդորակ սառցադաշտին, ընդհանուր առմամբ շատ վտանգավոր է դարձել վերջին տարիներին, այնտեղ հաճախակիացել են սողանքներն ու փլուզումները»։
