Ամերիկյան CBC հեռուստաալիքի փոխանցմամբ՝ ԱՄՆ Ինդիանա նահանգի 68-ամյա նախկին մեխանիկ Շիրլի Անդերսոնը, ով քաղցկեղի պատճառով կորցրել էր դեմքի մի մասը, այժմ վերստին կարող է ժպտալ, քանի որ Ինդիանայի համալսարանի ստոմատոլոգիական դպրոցում նրա համար 3D տպիչով տպել են նոր ծնոտ:
Անդերսոնը, ով 1997 թվականից տառապում է քաղցկեղով, կորցրել է ստորին ծնոտը, կզակը և ադամախնձորը: Վիրաբույժները նախ փորձել են վերականգնել ծնոտը՝ օգտագործելով տիտանե ձուլվածք, սակայն նրանց մոտ դա չի ստացվել:
Ապա նրանք փորձել են պրոթեզ ստանալ գիպսից ու սիլիկոնից, սակայն այն ստացվել է շատ անհարմար, շարունակ սահել է և ընկել: Դրանից հետո նրանք դիմել են 3D տպիչի օգնությանը, և արդյունքում պրոթեզը ստացվել է ավելի թեթև ու շնչող, ինչպես նաև ունի ավելի իրական տեսք:
