Կոլումբիայի իշխանությունները պատրաստ են ընդլայնել մարդասիրական միջանցքը Վենեսուելայի հետ սահմանին՝ հարևան երկրի այն քաղաքացիների համար, ովքեր փորձում են Կոլումբիայի տարածքում սնունդ և առաջին անհրաժեշտության ապրանքներ գնել։ Այս մասին հայտարարել է արտգործնախարար Մարիա Անխելա Օլգինը՝ փոխանցում է RIA Novosti-ն։
Երկու երկրների սահմանը ձգվում է 2200 կմ։ 2015 թվականի օգոստոսին այն փակվել էր Վենեսուելայի նախագահ Նիկոլաս Մադուրոյի հրամանով՝ զինվորականների վրա մաքսանենգների հարձակումից հետո։
Երեկ հաղորդվել էր, որ Վենեսուելայից մոտ 500 կանայք հատել են Կոլումբիայի հետ սահմանը՝ իրենց ընտանիքների համար սնունդ գնելու նպատակով։
