Փենսիլվանիայի բնակիչ Ջեյմս Քիսթլերն արշավ է սկսել, որի միջոցով ակնկալում է պաշտպանել շվեդական կապույտ տնային 4 բադերին պահելու իրավունքը: Ինչպես գրում է Pittsburgh Tribune-Review-ն, տղամարդը որոշել է պայքարել ընտանի թռչունների համար, քանի որ համապատասխան հանձնաժողովը պահանջել է ազատվել նրանցից:
Քիսթլերի խոսքերով՝ 2013-ի մայիսին ինքը ստացել է փաստաթուղթ, որում իրեն առաջարկվել է գործողությունների երկու տարբերակ՝ հրաժարվել բադերից կամ 400 դոլար արժողությամբ բողոքարկում ներկայացնել: Եթե նա ընտրեր առաջին տարբերակը, ստիպված կլիներ օրական 500 դոլարի չափով տուգանք վճարել իր կալվածքոմ թռչունների գտնվելու համար:
Պաշտոնյաների փաստարկները հիմնված են նորմատիվ ակտի վրա որը կարգավորում է ընտանի կենդանիների կազմը: Թունավոր սողուններից բացի, չի թույլատրվում պահել հավ, խոզ, կով, այծ, քանի որ դրանք դիտարկվում են որպես մսի ու կաթի աղբյուր: Ամերիկացին հայտարարել է, որ ինքը չի պատրաստվում սննդի համար սպանել բադերին, որոնք ձու ածել էլ չեն կարող, քանի որ 4-ն էլ արու են: Նա նշել է, որ պարզապես հաճույք է ստանում թռչունների խնամքից: Հարևաններն էլ դեմ չեն: Հանձնաժողովի ներկայացուցիչները դեռևս չեն մեկնաբանել նրա ասածը:
