Ավստրիայի Սահմանադրական դատարանը ուրբաթ օրը աննախադեպ որոշում է կայացրել՝ չեղյալ է հայտարարել նախագահական ընտրությունների արդյունքները, այդպիսով բավարարելով աջ ազգայնական կուսակցության հայցը, որի թեկնածուն պարտվել է նախագահական ընտրություններում և այժմ շանսեր ունի հետ բերելու կորցրած ձայները, հայտնում է RIA Novosti-ն:
Դատարանի որոշմամբ՝ երկրի իշխանությունները պետք է անցկացնեն ընտրությունների երկրորդ փուլը նույն թեկնածուների մասնակցությամբ:
Ընտրություններից 2 շաբաթ անց «Ազատություն» կուսակցության (Freedom Party of Austri) ներկայացուցիչները Սահմանադրական դատարան են ներկայացրել 150 էջանոց հայց, որտեղ նշված են եղել մի շարք խախտումներ, որոնք նրանց կարծիքով հանգեցրել են ձայների սխալ հաշվառմանը:
Ներկայումս պետության նոր առաջնորդի երդման արարողությունը, որը նշանակված էր հուլիսի 8-ին, չեղլյալ է հայտարարվել: Մինչև նոր նախագահի ընտրությունը նախագահի ֆունկցիան կկատարի Ազգային խորհրդի նախագահությունը:
