RIA Novosti-ի փոխանցմամբ` ԱՄՆ-ի իշխանությունները պաշտոնապես հանել են տրանսգենդերների զինվորական ծառայության արգելքը, հայտնել է պաշտպանության նախարար Էշթոն Քարտերը:
«Ես հայտարարում եմ այն մասին, որ մենք անմիջապես դադարեցնում ենք տվյալ արգելքը»,- ասել է նախարարը ճեպազրույցում: Նրա խոսքերով` «այս պահից, տրանսսեքսուալ ամերիկացիները կարող են զինվորական ծառայության անցնել և այլևս չեն հեռացվի կամ ինչ-որ կերպ նրանց չի արգելվի ծառայությունը միայն նրա համար, որ նրանք տրանսսեքսուալ են»:
Քարտերը նշել է, որ աշխարհում «նվազագույնը 18 երկիր տրանսսեքսուալներին թույլ է տալիս ծառայել բանակում»: Նա նշել է, որ դրանց թվում են ԱՄՆ-ի այնպիսի մոտ դաշնակիցներ, ինչպես՝ Մեծ Բրիտանիան, Իսրայելը, Ավստրալիան:
