Զարգացման այս փուլում, որում գտնվում են Հայաստանը, Վրաստանը և Ադրբեջանը, համագործակցությունը նրանց միջև շատ կարևոր է: Ինչպես հաղորդում է «Գրուզիա Օնլայն»-ը, այս մասին հայտարարել է Սերբիայի նախկին նախագահ Բորիս Թադիչը, որը պատվավոր հյուրի կարգավիճակում ներկա է Հարավային Կովկասի քաղաքական գործիչների ֆորումին, որն անցկացվում է Վրաստանի խորհրդարանում:
«Եթե հարց տանք` ի՞նչն է ավելի կարևոր. իմ մասնակցությո՞ւնն այս ֆորումին, թե՞ Հայաստանի, Վրաստանի և Ադրբեջանի մասնակցությունը, ապա, բնականաբար, այդ երկրներինը: Այդ պետությունների երիտասարդ քաղաքական գործիչները քննարկում են այնպիսի թեմաներ, ինչպիսիք են տարածքային հարցերը, համագործակցությունը այլն: Զարգացման այս փուլում, որում գտնվում են Հայաստանը, Ադրբեջանն ու Վրաստանը, համագործակցությունը նրանց միջև շատ կարևոր է»,- հայտարարել է Թադիչը:
Ֆորումը, որն անցկացվում է Վրաստանում Նիդեռլանդների դեսպանատան աջակցությամբ, կավարտվի վաղը:
