ՆԱՏՕ-ի գլխավոր քարտուղար Անդերս Ֆոգ Ռասմուսենն իր լուրջ մտահոգությունն է հայտնել Վրաստանի նոր իշխանությունների կողմից պետական բարձրաստիճան նախկին պաշտոնյաների ձերբակալության կապակցությամբ: Ինչպես հաղորդում է Trend գործակալությունը, այս մասին նա հայտարարել է Թբիլիսիում՝ երկրի նախագահ Միխեիլ Սաակաշվիլիի հետ համատեղ մամլո ասուլիսում:
«Մենք ընդգծեցինք, որ հարցեր կան այս կապակցությամբ, և չի կարելի, որպեսզի դատավճիռ կայացնելիս գոյության ունենան քաղաքական դրդապատճառի նույնիսկ թեթև ակնարկներ»,- ասել է նա:
Ռասմուսենի խոսքերով` Վրաստանի կառավարության գերագույն ղեկավարներն իրեն խոստացել են ինչպես քննչական գործընթացի, այնպես էլ դատական գործընթացների թափանցելիություն:
Միխեիլ Սաակաշվիլին իր հերթին նշել է, որ ՆԱՏՕ-ի գլխավոր քարտուղարի մտահոգությունից բացի, գոյություն ունի նաև ԵՄ երկրների արտգործնախարարների հայտարարությունը, որով նրանք անցած շաբաթ Լյուքսեմբուրգում հանդիպմանը Վրաստանին «գերազանցիկների շարքից տեղափոխել են ծույլիկների շարքը»:
«Նախարարները հայտարարել են, որ Վրաստանը, որին նախկինում միշտ գովել են, սկսել է հետ կանգնել իր ժողովրդավարական գործընթացներից, ինչը լուրջ մտահոգություն է առաջացնում: Դա լուրջ նախազգուշացում է»,- ասել է նախագահը:
