Տիբեթի վտարանդի հոգևոր առաջնորդ Դալայ Լաման հայտարարել է, որ վշտացած է Բեն Լադենի սպանությամբ: Նյու Ջերսիում կայացած մամուլի ասուլիսի ժամանակ նա ասել է, թե Բեն Լադենի սպանությունն իրեն վշտեցրել է այնքան, որքան 2006 թ. Իրաքի նախկին նախագահ Սադամ Հուսեյնին կախաղան հանելը:
Բացի այդ, Դալայ Լաման այս սպանությունն անվանել է «սխալ»` չմանրամասնելով, սակայն, թե ինչ նկատի ունի:
Շատ լրագրողներ ասում են, որ իրենց մեջ Դալայ Լամայի մասին հակասական կարծիքներ են ձևավորվել, քանի որ անցած շաբաթ Լոս Անջելեսում ելույթի ժամանակ նա կածես թե իր աջակցությունն էր հայտնել «թիվ մեկ ահաբեկչի» դեմ իրականացված գործողությանը, և շատ լրատվամիջոցներ նրա հայտարարությունները մեկնաբանել էին, թե Դալայ Լաման արժանի է համարել Բեն Լադենի մահը: «Ներել՝ չի նշանակում մոռանալ, թե ինչ է տեղի ունեցել»,- ասել էր նա:
