Դատական համակարգում Ամերիա ՓԲԸ-ի իրականացրած մոնիտորինգի հիման վրա հնարավոր կլինի բացահայտել դատական համակարգում առկա խնդիրները և մատնանշել դրանց լուծման ուղիները: Այս մասին այսօր Ծաղկաձորում տեղի ունեցած սեմինարի ժամանակ ասաց Ամերիա ՓԲԸ իրավական պրակտիկայի տնօրեն Դավիթ Սարգսյանը:
Սեմինարին մասնակցում էին լրագրողներ, փաստաբաններ, դատական դեպարտամենտից ներկայացուցիչներ:
«Ծրագիրը իրականացվում է 3 հիմնական փուլով, սա վերջնական հաշվետվության փուլն է, որը վերաբերում է մոնիտորինգի արդյունքների քննարկմանը: Ծրագրի էությունը կայանում է նրանում, որ ծրագրի արդյունքներում ձևավորված մեթոդաբանական ցուցումները կօգտագործվեն համապատասխան մարմինների կողմից»,- ասաց Դ. Սարգսյանը:
