TMZ պորտալի լրագրողներին հաջողվել է պարզել խորը ընկճախտի պատճառը, որից տառապում է հանգուցյալ Մայքլ Ջեքսոնի դուստրը՝ Փերիսը: Պատճառն ամենևին այն չէ, որ նրա իրական հայրը փոփ երաժշտության թագավորը չէ: Աղջկան ինքնասպանության փորձի են հասցրել ֆեյսբուքյան չար մեկնաբանությունները:
Վերջին շրջանում 15-ամյա Փերիս Ջեքսոնը բազմաթիվ չար և վիրավորական մեկնաբանություններ է ստացել սոցցանցի օգտատերերից: Անծանոթները նրան մեղադրել են բոլոր հնարավոր մեղքերում՝ սկսած հոր մահից, վերջացրած անխոհեմ կենսակերպով, որը Փերիսը վարել է դեռևս փոփ արքայի կենդանության օրոք: Այդ մասին լրագրողներին հայտնել է Ջեքսոնի դստեր մոտ ծանոթը:
Աղբյուրի փոխանցմամբ այդ մեկնաբանությունները Փերիսը սրտին շատ մոտ է ընդունել, ինչի հետևանքով փորձել է վերջ տալ կյանքին: Ներկայում նա գտնվում է UCLA բժշկական կենտրոնի (Լոս Անջելես) հոգեբուժական բաժանմունքում:
Աղջկա հարազատները նամակ են գրել սոցցանցի ղեկավարությանը՝ նրա օգտահաշիվը վերացնելու խնդրանքով:
