Կոնֆեդերացիաների գավաթի խաղարկության կիսաեզրափակիչի շրջանակներում կայանալիք Իսպանիայի հավաքականի դեմ խաղից առաջ Իտալիայի ընտրանու գլխավոր մարզիչ Չեզարե Պրանդելին հայտնել է, որ իսպանացիներն անշուշտ ֆավորիտ են:
«Իսպանիայի հավաքականի ֆուտբոլիստներն այժմ ավելի լավ մարզավիճակում են, քան մենք: Բավական է տեսնել, թե ինչպես նրանք անցկացրին խմբային փուլը: Անշու´շտ, Իսպանիայի ազգային թիմն առաջիկա հանդիպման ֆավորիտն է: Այն վերջին 4-5 տարիների լավագույն թիմն է: Իսպանացիներին գրեթե հնարավոր չէ հաղթել:
Այո, մենք չենք կարող օգտվել Բալոտելիի ծառայություններից: Բայց պետք է հանգիստ վերաբերվել դրան: Ես կցանկանայի, որ սաներս այնպիսի խաղ ցուցադրեն, ինչպիսին Բրազիլիայի հավաքականի դեմ հանդիպման երկրորդ խաղակեսում»,- Football Italia-ն մեջբերում է Պրանդելիի խոսքը:
Հիշեցնենք` վերջին անգամ իտալացիները խաղացել են Իսպանիայի հավաքականի դեմ «Եվրո-2012»-ի եզրափակիչում և զիջել են 0:4 հաշվով:
