ԱՄՆ Ֆլորիդա նահանգի Լոդերհիլ քաղաքի առևտրի կենտրոնում հունիսի 25-ի ցերեկը տեղի է ունեցել զանգվածային ծեծկռտուք: Այս մասին հայտնում է տեղի WSVN հեռուստաալիքը: Իրավապահ մարմինների նախնական գնահատականներով՝ ծեծկռտուքին մասնակցել է 200-300 մարդ:
Առևտրի կենտրոնում մարդկանց տարհանել են: Ծեծկռտուքի շարունակումը կասեցնելու նպատակով մոտակա փողոցում շարունակում են պարեկել իրավապահ մարմինների աշխատակիցները:
Ոստիկանությունը հայտնում է հարյուրավոր տուժածների մասին: Տուժածներից մեկը հոսպիտալացվել է:
Միջադեպի պատճառը մոտակա հրապարակում երկու աղջիկների միջև ծագած վեճն էր, որն այնուհետև տեղափոխվել է առևտրի կենտրոն: Թե որն է եղել նրանց վեճի պատճառը՝ չի հաղորդվում:
