Pullmantur Cruises իսպանական ընկերությանը պատկանող «Զենիթ» իսպանական զբոսաշրջային նավը, որը վթարի պատճառով կանգ էր առել Ադրիատիկ ծովի հյուսիսային ափերի մոտ, կտեղափոխվի Վենետիկի նավահանգիստ: Այս մասին հաղորդում է ITAR-TASS-ը՝ վկայակոչելով տեղի նավահանգստի ծառայության ներկայացուցիչներին:
Վթարի պատճառը հրդեհն էր: Նավում եղել են 1500 ուղևորներ և անձնակազմի անդամները: Նավի հրամանատարը հավաստիացրել է, որ հրդեհի օջախը մարել է: Սակայն նավն ինքնուրույն չի կարող շարժվել և այդ պատճառով անջատված շարժիչով կանգ է առել Կոջի նավահանգստից 16 կմ հեռավորության վրա:
Բոլոր ուղևորները անվտանգության մեջ են: Որոշ ԶԼՄ-ների փոխանցմամբ՝ ուղևորների շրջանում տուժածներ կան:
