Իսրայելի նախագահ Շիմոն Պերեսը և Վրաստանի վարչապետ Բիձինա Իվանիշվիլին Երուսաղեմում կայացած հանդիպմանը պայմանավորվել են ընդլայնել «ռազմավարական հարաբերությունները» երկու երկրների միջև, հաղորդում է RIA Novosti-ն:
Իվանիշվիլին դարձել է վրացի ամենաբարձրաստիճան հյուրը, որն այցելել է Երուսաղեմ երկկողմ հարաբերություններում ճգնաժամից հետո, որի պատճառ էր հանդիսացել 2010 թ. Վրաստանում իսրայելցի երկու գործարարների ձերբակալությունը:
«Դուք ժամանել եք Իսրայել, որը Վրաստանի իսկակական ընկերն է: Մեր երկրներին կապում են հին բարի և մոտ հարաբերություններ» ,- ասել է Պերեսը՝ շնորհակալություն հայտնելով Իվանիշվիլիի՝ Վրաստանում հրեական համայնքի հանդեպ ուշադրության համար:
Իվանիշվիլին իր «առանձնահատուկ հարգանքն» է փոխանցել Իսրայելին ու հրեաներին և ցանկացել է, որ երկիրը ձեռք բերի «վաստակած խաղաղություն» հարևանների հետ: Նա միջազգային հանրությանը կոչ է արել ամեն կերպ աջակցել դրան:
Վրաստանի պատվիրակության կազմում են ԱԳ նախարար Մայա Փանջիկիձեն, սփյուռքիհարցերով պետական նախարար Կոնստանտին Սուրգուլաձեն, էկոնոմիկայի նախարար Գեորդի Կվիրիկաշվիլին և ներդրումային գործակալության տնօրեն Գեորգի Պերտայան:
Երեքշաբթի Իվանիշվիլին կհանդիպի Իսրայելի վարչապետ Բենիամին Նեթանյահուի հետ:
