«Մոխրագույնի 50 երանգները» գրքի հեղինակ Էրիկա Ջեյմսը միլիոնատեր է դարձել՝ վաճառքի վեց ամիսներին աշխատելով ավելի քան 10 մլն ֆունտ: Այս մասին գրում է The Daily Telegraph-ը:
2012-ի փետրվարին գրողն իր ամուսնու՝ Նայալ Լեոնարդի հետ ստեղծել է Fifty Shades Ltd ընկերությունը՝ կուտակելու գրքից և նրա երկու շարունակություններից (50 երանգով ավելի մուգ և 50 երանգով ավելի բաց) ստացված եկամուտները:
Fifty Shades Ltd-ի հարկային հաշվետվությունը վկայում է այն մասին, որ ընկերությունն իր գոյության 6 ամիսների ընթացքում ստացել է 12.6 մլն ֆունտ եկամուտ, իսկ հարկերը չհաշված՝ 10.7 մլն ֆունտ մաքուր շահույթ:
Նշվում է, որ նա ամուսնու հետ, ինչպես նախկինում, բնակվում է Լոնդոնի արևմուտքում 15 տարի առաջ գնված տանը: Վերջին շրջանում գրողի ամենաթանկ ձեռքբերումը եղել է Volkswagen մակնիշի նոր մեքենան: Ավելի քան 1 մլն ֆունտ նա ուղղել է բարեգործությանը:
Էրոտիկ վեպը թողարկվել է 2012-ի գարնանն ու մինչ տարեվերջ վաճառվել 65 միլիոն օրինակով: Վաճառքի մեծ մասն իրականացվել է էլեկտրոնային տարբերակով:
