Դերասան Ջորջ Քլունիի կինը՝ փաստաբան Ամալ Քլունին, կներկայացնի ԴԱԻՇ-ի կողմից եզդիների գենոցիդի զոհերին: Այս մասին գրում է ET Online.com-ը:
Իրաքի հյուսիսում ԴԱԻՇ-ի գրոհայինների կողմից քաղաքների գրավումից հետո զանգվածային մահապատիժներ են սկսվել: Բացի դրանից՝ կանանց տարել են սեքսուալ ստրկության:
«Եվրախորհրդարանը, Եվրոպայի խորհրդի Խորհրդարանական ասամբլեան, ԱՄՆ կառավարությունը և Մեծ Բրիրտանիայի Համայնքների պալատը ճանաչել են Իրաքում ԴԱԻՇ-ի կողմից ցեղասպանությունը եզդիների հանդեպ: Ինչպե՞ս է պատահել, որ մարդկությանը հայտնի ամենալուրջ հանցագործություններ են իրագործվում մեր աչքի առաջ, բայց չեն հետապնդվում Հաագայի Միջազգային քրեական դատարանի կողմից»,- հայտարարել է Քլունին:
Քլունիի պաշտպանյալների մեջ կա Նադիա Մուրադ անունով կին, որին 2014թ. նոյեմբերին հաջողվել է փախչել 3 ամսվա կտտանքներից հետո: Ներկայումս Մուրադը հայտնի ակտիվիստուհի է, նա առաջադրվել է խաղաղության Նոբելյան մրցանակի:
