Սիդնեյի նավահանգստում հայտնաբերվել է 52 մլն դոլար արժողությամբ հերոինի խմբաքանակ: Այս մասին հայտնում է Associated Press գործակալությունը:
42 կգ հերոինը թաքցված է եղել Մալայզիայից տեղափոխվող կահույքում: Թմրանյութերը հայտնաբերել են սահմանապահները, երբ ստուգում էին ժամանած կոնտեյներները:
Այս գործով արդեն ձերբակալվել են Մալայզիայի երկու քաղաքացի, որոնց անունները չեն նշվում: The Australian-ի տվյալներով, ձերբակալված տղամարդիկ 30-34 տարեկան են: Նրանց մեղադրանք է ներկայացվել երկիր թմրանյութեր անօրինական կերպով տեղափոխելու մեջ: Եթե նրանք մեղավոր ճանաչվեն, նրանց սպառնում է ցմահ ազատազրկում և 876 հազար ԱՄՆ դոլարի տուգանք: