Հունիսի 3-ին ԱԺ Արտաքին հարաբերությունների մշտական հանձնաժողովը քննարկեց և դրական եզրակացություն տվեց «Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագրին։ Որոշումը, սակայն, միանշանակ չընդունվեց։
Թեմայի շուրջ «Առաջին լրատվական»- ը զրուցեց ԱԺ արտաքին հարաբերությունների մշտական հանձնաժողովի նախագահ Արտակ Զաքարյանի հետ։
«Այդ համաձայնագրի մեջ իրականում որևէ խնդիր գոյություն չունի: Մեզ համար շատ կարևոր համաձայնագիր է, որովհետև մենք շարունակաբար մեր անվտանգությունը ամրացնելու զարգացնելու անհրաժեշտություն ունենք, ռազմատեխնիկական և քաղաքական հավաքական անվտանգության տեսանկյունից ունենք շատ կարևոր գործընկեր, դա Ռուսաստաննն է՝ դաշնակից Հարավային Կովկասում: Ունենք երկկողմ զարգացող ռազմատեխնիկական համագործակցություն և ունենք միասնական անվտանգային շահեր Հարավային Կովկասի տարածաշրջանում:
Համաձայնագրում հստակ կերպով սահմանված են կողմերի լիազորությունները, իրավասությունները, այն սուբյեկտները, որոնք պետք է կրեն պատասխանատվություն, այն սուբյեկտները, ովքեր պետք է համակարգեն և նաև պատասխանատվություն կրեն ըստ անհրաժեշտության իրականացվող գործողությունների և կայացվող որոշումների համար»:
ԼՂՀ օդային տարածքը ևս կովկասյան տարածաշրջան է, և համաձայնագրում նաև հստակ նշված է՝ առանձնակի տարածաշրջանների, մասնակի տարածքների համար պատասխանատվությունը և որոշումների կայացման պատասխանատվությունը տրվում է ՀՀ ՀՕՊ զորքերի պետին»:
Անդրադառնալով դիտարկմանը, որ քառօրյա պատերազմից հետո ՀԱՊԿ-ը չարդարացրեց Հայաստանի ակնկալիքները, Արտակ Զաքարյանը նշեց. «ՀԱՊԿ-ը՝ ՀԱՊԿ, բայց մեր ռազմավարական դաշնակից Ռուսաստանին մենք չվստահելու որևէ խնդիր չունենք: Մենք ունենք մտահոգություններ, որոնց մասին անկեղծ և հրապարակային խոսել ենք, բայց մեր դաշնակցությունը դրանից չի պակասում:
Նրա խոսքով՝ հայ-ռուսական հարաբերությունները ոչ թե վերանայելու, այլ զարգացնելու, սիմետրիկ դարձնելու անհրաժեշտություն ունենք:
Մանրամասները՝ տեսանյութում:
