Lenta.ru-ի փոխանցմամբ՝ առաջիկա հինգ տարում շուկայում ակնկալվում է հեղուկացված գազի արտադրման ու մատակարարումների զգալի աճ: Այդ մասին հայտնել է Միջազգային էներգետիկ գործակալությունը:
Ընդ որում՝ հեղուկացված գազի երկու խոշորագույն գնորդներ Ճապոնիան ու Հարավային Կորեան նվազեցնելու են դրա սպառումը: Դա նշանակում է, որ արտադրողները ստիպված են լինելու որոնել վաճառքի նոր շուկաներ:
Դրանք դառնալու են Չինաստանը, Հնդկաստանն ու Հարավարևելյան Ասիայի պետությունների ասոցիացիայի մասնակիցները: Կանխատեսվում է, որ 2015-2021 թվականներին աշխարհում գազի հեղուկացման հզորությունը կաճի 45 տոկոսով, ինչը հիմնականում կիրականացվի ԱՄՆ-ի ու Ավստրալիայի շնորհիվ:
2021 թվականին Ավստրալիան կարող է Կատարի հետ պայքարել հեղուկացված գազի խոշորագույն արտահանողի տիտղոսի համար: ԱՄՆ-ը նույնպես ուղիղ մրցակցության մեջ կմտնի այդ երկրների հետ:
