«Փառք Ստալինին» խմբավորման ներկայացուցիչներն ուրբաթ խորհրդային առաջնորդի հայրենի քաղաքում ակցիա են անցկացրել` պահանջելով Գորիին վերադարձնել նրա հուշարձանը, որը երեք տարի առաջ ապամոնտաժվել էր քաղաքի կենտրոնական հրապարակից:
Ինչպես հաղորդում է Interfax-ը, ակցիայի մասնակիցները, որոնք հավաքվել էին քաղաքապետարանի շենքի մոտ, պահանջել են հուշարձանը տեղադրել Ստալինի տուն-թանգարանի տարածքում, ինչպես ավելի վաղ խոստացել էին տեղի իշխանությունները:
«Ինչպես վերցրել են, թող այնպես էլ դնեն Ստալինի հուշարձանը: Նա մեծ մարդ է եղել, առավել ևս, որ ծնվել է Վրաստանում` Գորիում: Նա արժանի է, որպեսզի իր հուշարձանը լինի իր հայրենի Գորիում: Մենք դեռևս անցկացնում ենք խաղաղ ակցիաներ, սակայն կարող ենք դիմել նաև այլ միջոցների»,- ասել է ակցիայի մասնակիցներից մեկը:
Հիշեցնենք, որ Ստալինի հուշարձանը Գորիի կենտրոնական հապարակից ապամոնտաժվել էր Վրաստանի իշխանությունների որոշմամբ՝ 2010 թ.:
