Սան-Պաոլոյում ցուցարարներն արգելափակել են դեպի «Գուարուլիոս» միջազգային օդանավակայան տանող ճանապարհները: Այս մասին հայտնում է ITAR-TASS-ը:
Ուղևորները ստիպված են օդանավակայան հասնել ոտքով՝ ճամպրուկները ձեռքներին: Հաղորդվում է, որ օդանավակայանում անվտանգության միջոցառումներն ուժեղացվել են: Թռիչներին ընդունումն ու սպասարկումը շարունակվում է:
Սպասվում է, որ շուտով, երկրում առաջացած իրադրության հետ կապված, հեռուստատեսությամբ բնակչությանն ուղղված խոսքով հանդես կգա նախագահ Դիլմա Ռուսեֆը:
Զանգվածային ցույցերի մասնակիցները բողոքում են կառավարության սոցիալ-տնտեսական քաղաքականության, կոռուպցիայի և առաջիկա խոշոր մարզական ծախսատար միջոցառումների հյուրընկալման դեմ: