Գերմանիայի նախագահ Յոախիմ Գաուկը հայտարարել է, որ իր թեկնածությունը երկրորդ ժամկետում չի առաջադրի։ Այս մասին հայտնում է RIA Novosti-ն։
«Ես որոշում եմ ընդունել չառաջադրելու իմ թեկնաությունը երկրորդ ժամկետում»,- հայտարարել է Գաուկը լրագրողներին Բեռլինում։ Նրա խոսքով՝ ինքը կշարունակի կատարել իր պարտականությունները սահմանվածի պես՝ մինչև 2017 թվականի մարտի 17-ը։
Գաուկին, մեծ հավանականությամբ, կընտրեին երկրորդ ժամկետում։
Որպես հնարավոր իրավահաջորդ Spiegel-ն անվանում է մի քանի թեկնածուի. դա ֆինանսների նախարար Վոլֆգանգ Շոյբլեն է, խորհրդարանի խոսնակ Նորբերտ Լամերտը, պաշտպանության նախարար Ուրսուլա ֆոն դեր Լյայենը և Քրիստոնեա-սոցիալական միության՝ հողային հարցերով բաժանմունքի ներկաացուցիչ Հերդա Հասելֆելդտը։ Առավել հավանական թեկնածու է համարվում Լամերտը։
Գերմանիայի նախագահն ունի հիմնականում ներկայացուցչական գործառույթներ։ Նախագահին ընտրում է Դաշնային ժողովը, լիազորությունների ժամկետը 5 տարի է։ Գաուկը նախագահ է 2012 թվականի մարտի 18-ից։
