Քեմբրիջի դքսուհի Քեյթ Միդլթոնը կծննդաբերի Փադինգթոնի Սուրբ Մարիա հիվանդանոցում` «թագավորական» կլինիկա, որտեղ նաև լույս աշխարհ են եկել Ուիլյամը և Հարին:
Հիվանդանոցում մեկ գիշերվա արժեքը կազմում է 10 հազար ֆունտ սթեռլինգ: Հիվանդասենյակներում, որոնցից լավագունը կտրամադրվի Քեյթին, կա արբանյակային հեռուստատեսություն, ռադիո, չհրկիզվող պահարան, սառնարան, ինչպես նաև՝ համացանցի հասանելիություն: Կկատարվեն նաև, խոհանոցի հետ կապված, դքսուհու բոլոր քմահաճույքները:
Տոնական իրադարձությունը, որը կանխատեսումների համաձայն՝ կայանալու է հուլիսի 13-ին, կարելի է նշել հենց տեղում:
«Երեխայի լույս աշխարհ գալուց հետո Քեյթը և նրա հյուրերը կարող են ծանոթանալ էլիտար գինիների քարտեզի հետ, խմել մեկ գավաթ շամպայն և տոստ պատվիրել»,- գրում է The Daily Mail-ը:
Բացի առաջնակարգ մասնագետներից, հիվանդանոցն ունի մանկական բուժքույրերի թիմ, որոնք ցանկացած պահի կօգնեն դքսուհուն: Ավելի վաղ հայտնի էր դարձել, որ ծննդաբերության ժամանակ Քեյթի մոտ կգտնվեն նրա մայրը և քույրը:
