Իրանական IRNA լրատվական գործակալության փոխանցմամբ՝ Իրանի նավթարդյունաբերության նախարար Բիժան Նամդար Զանգանեն հայտարարել է, որ Իրանը ցանկանում է վերադարձնել ՕՊԵԿ-ում պատժամիջոցներից առաջ ունեցած բաժնեմասը՝ 14.5 տոկոս:
Զանգանեն Վիեննայում ՕՊԵԿ-ի 169-րդ նստաշրջանի բացումից առաջ լրատվամիջոցին հայտնել է, որ նավթի արդյունահանման ու արտահանման վրա որևէ սահմանափակման հաստատում չի համապատասխանի Իրանի ազգային շահերին:
«Արտադրության ծավալների սահմանափակումների ֆիքսումը այսօր չի համապատասխանում ոչ միայն մեր ազգային շահերին, այլև ՕՊԵԿ-ի անդամ մյուս երկրների շահերին:
Մայիսին Իրանն արտահանել է իրական 2.023.000 բարել նավթ և ամուր մտադիր է այդ ծավալը հասցնել այն մակարդակին, որը գոյություն է ունեցել Իրանի դեմ միջազգային պատժամիջոցների սահմանումից առաջ»,- ասել է նա:
Խոսելով համաշխարհային շոկայում տիրող իրավիճակի մասին՝ Զանգանեն հայտարարել է, որ մեկ բարել նավթի արդար գին է համարում 70 դոլարը:
Նա ընդգծել է, որ Իրանը հատուկ ակնկալիքներ չունի Վիեննայի այսօրվա հանդիպումից, և որ գլխավոր ակնկալիքը կապված է կազմակերպության գլխավոր քարտուղարի պլանավորված ընտրությունների հետ:
