Ինչպես տեղեկացրել էինք, հունիսի 9-ին Երևանի Վերին Շենգավիթի 11 փողոցի 34 տան բնակչուհի Անուշ Բունիաթյանը տանից դուրս էր եկել և անհայտ կորել:
Տասներորդ օրը՝ հունիսի 19-ին, ժամը 23.00-ին ոստիկանության Շենգավիթի բաժնի ծառայողների ձեռնարկած միջոցառումների շնորհիվ Անուշ Բունիաթյանին հայտնաբերել են Հալաբյան փողոցի թիվ 33 շենքի բակում:
Անուշը պատմել է, որ շրջել է Երևանի տարբեր փողոցներում, գիշերել տարբեր շենքերի բակերում տեղակայված զրուցարաններում և իր հետ ոչ մի արտառոց դեպք տեղի չի ունեցել:
Անուշի մայրը՝ Թերեզան, «Առաջին լրատվական»-ի հետ զրույցում նշեց, որ Անուշն իրեն վատ չի զգում, որ ինքը մանրամասների մասին ոչինչ չգիտի։
Անուշ Բունիաթյանն ասաց, որ ընտանեկան որևէ խնդիր չի ունեցել, անհետանալը կապված չէ նաև անձնական խնդիրներով, պարզապես այդպես է ուզել, ավելին՝ նա եղել է նույն հագուստով, որով դուրս էր եկել տանից:
Ըստ մեր տեղեկությունների՝ երեկ ուշ երեկոյան Անուշին տարել են հիվանդանոց, նա այնտեղ բուժզննում է անցել: Ըստ ամենայնի՝ այսօր մանրամասն բացատրություն կտա: Նա ասել է, որ ինքը գիտեր, որ ոստիկաններն իրեն կփնտրեն, և ամեն ինչ արել է, որ չգտնեն:
