Ամերիկյան բարերից մեկում ժամանակի քամին հետընթաց է փչել: Այն դարձել է այնպիսին, ինչպիսին 150 տարի առաջ էր:
BBC America-ի եթերում հունիսի 23-ին կմեկնարկի 1860-ականների քաղաքացիական պատերազմի ժամանակ Նյու-Յորքի մասին Copper հեռուստասերիալի նոր եթերաշրջանը: Այդ առիթով հեռուստաալիքն ու YouTube ImprovEverywhere օգտատիրական էջը Բրուքլինի բարերից մեկի այցելուների համար պատրաստել են յուրօրինակ հնարք՝ առաջարկելով ճանապարհորդություն դեպի էպիկական ժամանակներ:
Տեսանյութում երկու երիտասարդներ մտնում են բար, որտեղ նրանց դիմավորում են միանգամայն «հին» մարդիկ, նրանք զարմանում են տղաների մոտ եղած «խոշոր» գումարով, սկսում են կատակել, թե հավանաբար նրանք գողեր են: Այնուհետև մորուքավոր բարմեններից մեկն ասում է տղաներից մեկին, թե նա հետախուզման մեջ գտնվող ոմն Չարլզ Էդվարդսն է: Քիչ անց երիտասարդը տեսանում է բարի պատերից մեկին փակցված հայտարարությունը, որի վրա պատկերված հետախուզվողը իսկապես շատ նման է իրեն: Կարճ ասած՝ բարը վերածվում է արկածային լաբիրինթոսի…
