Լե Բուրժեում մեկնարկել է 50-րդ միջազգային ավիատիեզերական ցուցահանդեսը, որին կմասնակցեն աշխարհի 44 երկրների ավելի քան 3 հազար ընկերություններ, այդ թվում՝ Մեծ Բրիտանիայից, Գերմանիայից, Հնդկաստանից, Իտալիայից, Չինաստանից, Ռուսաստանից, Ուկրաինայից ու Ֆրանսիայից, հայտնում է RIA Novosti-ն:
Առավել մեծ ցուցադրություն կներկայացնի Ֆրանսիան (1040 կազմակերպություն) ու ԱՄՆ-ը (350 կազմակերպություն):
Սպասվում է, որ սրահ կայցելի մոտ 300 պատվիրակություն` 88 երկրից:
Կցուցադրվեն ավելի քան 140 ինքնաթիռներ, իսկ ամառային ծրագրին կմասնակցի մոտ 40 օդանավ: Մասնավորապես, ամերիկյան Boeing կորպորացիան ավիասրահում կներկայացնի 2 նորագույն ուղևորատար Boing-787 ինքնաթիռներ:
Լե Բուրժեի ավիասրահում ներկայացված ցուցանմուշների 70 տոկոսը հիմնականում քաղաքացիական ավիատեխնիկայի նմուշներ են, մյուս մասը՝ ռազմական մեքենաներ:
Ավիասրայի գործադիր տնօրեն Ժիլ Ֆուրնիեի խոսքերով՝ գործարքների գումարը, որը կարող է կնքվել ցուցադրության ընթացքում, կհասնի մոտ 125 մլրդ դոլարի:
Լայն հանրության համար Լե Բուրժեի ավիասրահը իր դռները կբացի հունիսի 21-ին: Այն իր աշխատանքները կավարտի հունիսի 23-ին:
