Սոսո Պավլիաշվիլին որոշել է այս տարի իր ծնունդն անցկացնել Երևանում: Նա արդեն ժամանել է այստեղ և այսօր հանդիպեց լրագրողների հետ: Վրացի հայտնի երգիչն արդեն երրորդ անգամ է Երևանում։
«Օրերս համերգ կունենամ Երևանում, և որ ինձ համար ամենակարևորն է` ցանկանում եմ՝ համերգից հետո հանդիսատեսն ինձանից գոհ լինի»:
Նա սիրով նշեց, որ համերգին պրեմիերա կլինի. երգը նվիրված է Երևանին. «Այս տարի ես երգելու եմ իմ սիրելի Երևանի մասին։ Հուսով եմ, որ երգը հոգեհարազատ կլինի բոլորին»:
Ս. Պավլիաշվիլին ասաց, որ երգի երաժշտությունը գրել է ինքը, անգամ կատարեց մի հատված` «Երևան, Երևան, Երևան, իմ սիրտը քեզ կտամ»:
Խոսելով իր ստեղծագործական կյանքի մասին՝ երգիչն ասաց, որ անում է այն, ինչն իրեն հոգեհարազատ է. արդեն ստեղծել է իր սեփական ստուդիան, որտեղ երգեր է ձայնագրում, երգարվեստում նոր առաջընթացներ է գրանցում. «Կարևոր է, որ երգը սրտից բխի, մոդայիկ երգ չկա, կա հոգեհարազատ երգ։ Մոդայիկ կարող է լինել հագուստը, կոշիկը»:
